12218815_10156134313185648_1917201587_o

送禮自用 網購無蛋奶cake第一擊: T.U.P.

作者: 班女講素

今次負責講素既係英姐

未成為純素之前無特別係甜品控,而家就可能因為九成都齋睇無得食,連突然興起想買件成下都難,養成左我呢個定期發作的 (無蛋)糕癮。請容許我在下面簡稱「戟」(cake)。

全香港有無蛋奶戟賣的實體連網上店,十隻手指都數得晒。我男朋友生日果時,我跟住「素食媽媽」的簡易食譜整過一個快靚正的藍莓蛋糕,但我呢D懶到出汁的人,有得揀梗係買啦。至於你問我全香港有咩地方有 vegan cake 食我唔係專家,要問下呀chocoholic Flora 先得,就留番下次先講啦。

朋友嫁左去意大利,難得番香港順便過生日,我就順手搵藉口比自己試下幾星期前見到的網上純素戟店 T.U.P (The Unique Peace)。一禁入 page,見到佢整過數十款唔同種類的大小戟同批,個樣簡單得來又討好,已經即刻好想試下,但一丁友點獨食呀,咁… 今次終於名正言順訂左一個6吋Tiramisu,同埋一口氣買左6件朱古力6件檸檬瑪德蓮貝殼糕,細細件諗住比身邊親戚朋友同事試下。

其實我覺得個小瑪德蓮貝殼糕 (Madeleine) 先係今次驚豔之選。

12213899_10156134313110648_1068500352_o

個朱古力的質感好綿密,朱古力味十分濃,啖啖朱古力粒,食開「普通」蛋糕的朋友都大讚好好食!HK$7 一件,我覺得好抵,因為口感實在得來唔漏,勁到我食唔出用有蛋整的有什麼分別。唔該,我想勁 encore。至於檸檬味我覺得都OK,但比朱古力搶晒鏡了。IMG_4954_s

呢張已經係個糕在我背囊裏面跟其他雜物碰撞左一整天後的模樣,所以表面已經磨損了少少。

呢間店 T.U.P. 的老闆係一位後生女 (細過我,敬佩),平日有全職,淨係週末都有時間整糕,佢純素左已經好幾年,講到自己賣純素戟都唔係為左賺錢,我心裏面係流左一滴淚。再睇睇下先發現原來之前 Hidden Agenda 在八鄉搞的「芝麻開壇」音樂營有搵 T.U.P. 去賣糕,而我竟然 miss 左,真係抌心。如果想吃的就要預早幾日同佢訂戟啊~佢的 page 上每款糕點都列明晒材料,起碼你都知自己食緊乜東東落口。

好可惜由於我切個 Tiramisu 果時已經係夜深公園太暗所以無影到,真失策,唯有問准借用官方圖啦。

個糕一共有4 層,以豆腐造的 cream 好厚,重咖啡味及豆腐味,都幾清新喎,3個女仔一人一啖不知不覺就食左好多。我落單前已聽阿Joan講過,純素版的 Tiramisu 不易整,所以我預左味道會同有蛋糕版好不同,點知食落都不錯,我會叫呢一個為「咖啡豆腐cream戟」

為左大家的福祉,我願意身先士卒試盡全香港的純素戟!

班女講素

關於 班女講素

四個女仔,80後、HKBU畢業(呢兩點唔多關事)、為動物食素(重點)。於是坐埋一枱,開始講素。

留言

則留言