《班女講素》呢班女係乜水?

四個女仔,80後、HKBU畢業 (呢兩點唔多關事)、為動物食素 (重點)。於是坐埋一枱,開始講素。

人講素,呢班女又講素,但一開波就大叫vegan,無肉無蛋無奶,連蜜糖燕窩魚膠粉都say no。貌似叫價甚高,其實唔挑剔揀擇,純素餐廳當然好,肯炒兩碟素菜的茶記小店亦是心水,零食薯片汽水同樣無法抗拒。

班女想話:「食素,其實唔難 (⋯ok la),一樣可以好local好接地氣。唔貴、平凡,易買易煮,豐儉由人。」
四人素齡長短各異,儲落不少在香港地食素心得,仲有精美呃like食譜、5-minute自救食譜,於是成立此純素食page分享分享。

為表四人之down to earth、地道、粗豪麻甩,但又時而少女、勇敢、無聊 (下省一萬字…),page名諗完又改,改完又諗,由講素少女到純素女生,通通ban晒。最後四人走到旺角街頭攞靈感,決定取名「班女講素」,英文Vegan Nana。少女、中女、阿婆,通通都係女都係nana。女,又只是表示天生的性別 (sex),gender上完全開放,因此歡迎各位男男女女一同分享純素生活 (嚟!pm我哋傾傾先。)

Vegan Life,此乃一種生活態度 (lifestyle) 而不單單是飲食習慣 (diet) 。四女除不吃與動物有關的食物外,生活上的衣食住行,亦會先關心動物,選用不含動物成份或動物測試的產品。此page亦會不時介紹相關產品,話你知,vegan都有好多選擇!

***英姐表示logo & key visual既設計理念係:要襯番個名少少粗豪同地踎的感覺,梗係要一面擔住條甘筍一面同你講素。金牙呢?咪就係代表我地牙齒當金使囉~***

‪#‎班女講素‬ ‪#‎vegannana‬ ‪#‎vegan‬ ‪#‎HKBU‬ ‪#‎此地無銀80後 ‬‪#‎Vegan都有好多選擇‬

----------------------
Flora Yeung
自由文字工作者;嘴刁又超愛甜點的大胃皇、可能係世界上最抗拒香蕉既vegan

一次烹調生肉時突然覺得非常殘忍、噁心,外出用餐繼續吃別人處理的也太虛偽,便停止了吃肉。數年後看罷Jonathan Safran Foer 的《Eating Animals》一書,進一步確認了人類沒有權剝削和利用其他動物,因討厭思想與行為不一致,自然地成為了vegan。

‪#‎bananafree‬ ‪#‎hungry247‬ ‪#‎chocoholic‬

----------------------

小青
不自由文字工作者,兩貓之奴。

四年前宇宙送來兩隻貓,人生與自然重新連接。
有日帶貓絕育 (sosorry…) ,貓貓全身發抖,拼命將頭仔鑽進主人懷內,掌心冒汗濕透。如果貓會感到恐懼,狗亦然,牛豬羊亦然?雞鴨鵝也亦然?
再也無法說服自己要牠們受苦,用三年時間逐漸放棄肉類蛋奶海鮮,vegan齡一年半。

‪#‎貓‬ ‪#‎dutgor‬ ‪#‎無技巧‬ ‪#‎但求食飽‬
----------------------

Doris Lee (英姐)
全職萬能辦公室打雜

古語有云:「燒雞翼~我鍾意食~但係我老母講佢係會釘 ~」曾經夢想去非洲「拯救」野生動物睇佢地自由奔放,大個發現原來遠在天邊近在眼前的餐桌上有更多動物需要被「解放」。講到咁宏大,都係因為過唔到自己果關而開始改變。雞翼好食,但我都係鍾意見到雞跳跳扎多d。

‪#‎redlips‬ ‪#‎crueltyfreetobacco‬

----------------------

Joan Chan
自由職業者,《圓頭漫畫》作者,前PETA Asia成員。

本是一隻食肉獸,17歲時發現原來生存不一定要食肉,發現原來生活可以盡量不讓動物受苦,就決心戒肉,再戒蛋奶,現已吃素逾十年。

#joanjoanchan 

----------------------

班女講素

關於 班女講素

四個女仔,80後、HKBU畢業(呢兩點唔多關事)、為動物食素(重點)。於是坐埋一枱,開始講素。